Malugod na tinanggap kan kampo ni dating House Speaker Ferdinand Martin Romualdez ang pag-amin kan broadcaster na si Ramon Tulfo na sala an mga pahayag kaini mapadapit sa suboot pasekretong pagluwas kan dating lider kan Kamara sa New Quezon City Jail.
Segun ki Atty. Ade Fajardo, tagapagtaram ni Romualdez, inamin ni Tulfo na salang impormasyon an naresibe niya hale sa sarong source asin dae niya ini napatunayan bago inilathala.
Binanggit man ni Fajardo ang testimonya ni Jail Superintendent Pacion na pinahimutikan an alegasyong nagluluwas nin kulungan si Romualdez asin naggagamit nin ambulansiya o iba pang behikulo para sa mga bako awtorisadong biyahe.
Magigiromdomang nagluwas si Tulfo nin post kan Nobyembre 3 na nagsasabing pasekreto suboot nagluluwas asin nagbabalik sa kulungan si Romualdez. Kalaunan, inamin ng broadcaster na sala an impormasyong inilathala niya asin inapod ining gibo-gibo.
Nagpadara man an mga abogado ni Romualdez nin demand letter kan Nobyembre 4 na naghahagad ki Tulfo na ipundo an pagpapalakop nin alegasyon, burahon o itama an post asin dae na utrohon an nasabong pahayag. Nagpatanid man an mga abogado nin posibleng legal na lakdang pag dae ini sinunod.
Segun ki Fajardo, ipinahiling kan insidente an importansya kan pagberipika nin impormasyon bago ito ilathala, lalo na kung seryoso ang mga paratang na ibinabato sa sarong indibidwal.
Dugang niya, nagtitinir nakadetine si Romualdez asin nagsusunod sa mga patakaran kan pasilidad asin otoridad kan hukuman.
