LEGAZPI CITY-Sa isinagibong press conference kan Albay Electric Cooperative, Inc. o ALECO, iprenisentar kan naunambitang kooperatiba an saindang mga accomplishment report asin target plan manungod sa lakdang ngani maayos an serbisyo kan kuryente sa provincia kan Albay.
Enot na digdi an mga line rehabilitation asin electrification kan mga substation sa bilog na probinsya, urog na kan pagbugtak nin New 1-20 MVA sa Daraga substation, kun sain masagibo nin load transfer para sa pag-energize kaini.
Segun sa ALECO, padagos an saindang re-routing, pole erection, asin conductor stringing sa tigsasaggibong line rehabilitation maski nagrapado na sa P2.7 milyon an daily system loss na naireport kan ALECO.
Mientras tanto, an pagsasaayos kan mga linya kan kuryente, an pirmihang nagiging kawsa kan mga sunod-sunod na scheduled power interruption sa bilog na probinsya.
