LEGAZPI CITY-Nadukayang gadan an sarong pulitiko sa Germany sa saiyang hotel sa Berlin kan Miyerkules, susog sa lokal na pulisya.
Binisto an biktima na si Hubert Aiwanger, 55-anyos, asin nagseserbing lider kan Southern Bavaria State kan nasabing nacion.
Susog sa lokal na pulisya, nadukayan an nasabing pulitiko na wara na nin buhay sa saiyang hotel room sa Berlin-Mitte district.
Dai pa tukoy an kawsa kan saiyang pagkagadan asin padagos pa an pigsasagibong imbestigasyon kan mga otoridad ngani mapag-adalan an kondisyon asin kun posible, pahimutikan an anumang posibilidad kan pagkakaimbuelto kan ibang tawo mapadapit sa pagkagadan kaini.
Si Aiwanger an lider kan populistang partidong Free Voters asin ministro kan ekonomiya kan Bavaria.
Nagbisita siya sa Berlin ngani makisumaro sa pagbukas kan ofisina kan saiyang partido alagad dai na ini nakaatendir pa sa programa huli sa saiyang kamatean.
Mientras tanto, igwang duwang aki na lalaki an politician asin nagtetenir sa lugar kaiba an saiyang long time partner na si Tanja Schweiger.
