LEGAZPI CITY-Kinontra ni Defense Secretary Gilberto Teodoro Jr., an pangapudan kan Chinese Foreign Minister Wang Yi—na nag-alegar na an Pilipinas dae nagsasabi nin totoo, na an nacion mag-exercise nin pagpugol sa mga pahayag asin aksyon manungod sa West Philippine Sea.
Susog ki Teodoro, an presenteng mga ginigibo kan Pilipinas, nagpapahiling kan katotoohan, asin bakong maninigo na apodon na mga sinungaling an mga Pilipino.
Idinagdag pa kaini na bako man maninigo para sa China na magdikta kun pano dapat ibuyagyag kan Pilipinas an katotoohan, na pignotar na an mga katotoohan naestablisar na sa durante pa kan arbitral ruling.
An mga pahayag ni Teodoro, bilang simbag sa sarong orolay sa telepono sa pag-ultanan ni Wang asin ni Foreign Affairs Secretary Ma. Theresa Lazaro, kun sain pighagad ni Wang an Pilipinas na midbidon an “One China Policy” asin magin maingat sa mga tataramon asin gibo kaini manungod sa isyu kan West Philippine Sea.
