LEGAZPI CITY-Pigpa planuhan kan administrasyon ni US President Donald Trump na ipa-deport an labi sa 150 Afghan immigrants pabalik sa saindang country of origin na Afghanistan sa paagi kan Pakistan.
Katakod kaini, ipinataw ni Trump an travel ban laban sa nagkapirang nacion, kaiba an Afghanistan, bilang parte kan agresibong kampanya kan saiyang administrasyon laban sa mga ilegal na dayuhan.
Obheto subooy kan kasuguan na tuldukan na an deportation protection para sa mga Afghans, kun saen an nagkapira digdi, pinagkalooban na nin special immigrant visa kasunod kan pagsakop kan pwerda kan mga Taliban sa saindang nacion kan 2021.
Kaiba man sa mga nakatakdang ipa-deport an mga kapamilya kan mga Afghan na nagtao nin tabang sa militar kan Estados Unidos antes an Kabul, napasakamot kan mga Taliban, susog sa Afghan group na “AfghanEvac.”
Mantang bako direktang maipapabalik kan Estados Unidos an mga Afghans sa Afghanistan, makikipag-koordinar man ini sa Pakistan ngani manduhon an pagpapa-deport digdi pabalik sa saindang nacion.
Katakod kaini, nagkakaigwa nin gitgitan an koordinasyon kan Pakistan asin Afghanistan kasunod kan pagsakop kan mga Taliban sa Kabul na nag-udyok sa Islamabad na magpaotob nin repatriation policy laban sa mga Afghan citizens na warang visa sa Pakistan.
Nakatalaang magbiyahe para sa enot na flight ang mga nasabing immigrants poon sa Lunes.
