It’s time! Pigdeklara na ni Mariah Carey an pagpuon kan holiday season sa paagi nin bagong video na naging tradisyon niya taon-taon.
Sa Instagram clip, naka-punk inspired look si Mariah mantang kinakanta an “Hermit” hali sa 1995 album na Someone’s Ugly Daughter kan banda niyang Chick, antes mag-strike an alas-dose nin Nobyembre 1 asin sabihon an iconic na “It’s Time!”
Biglang nagluwas siya na nakasulot nin red-and-white Christmas ensemble sa ibabaw nin higanteng Christmas tree mantang nagtutugtog an “All I Want for Christmas Is You.”
Uminabot na sa poco mas o menos 33 million views an video mantang an kanta na pinaluwas pa kan 1994, padagos na nagiging Christmas staple na may 926 million views an music video asin diamond certified kan Recording Industry Association of America (RIAA) kan 2021.
Pinagkakarkulong nagkikita si Mariah nin $2.5 million taon-taon sa royalties kan kanta segun sa The Economist kan 2022.
Sa sarong interview, sinabi ni Mariah na pag holiday mode siya, bawal magpatugtog o magdalan nin anuman na bako Christmas-related sa laog kan saiyang harong.
