Nagtutubod an kampo ni Sen. Bato na may iba pang mas importanteng bagay na dapat tawan nin atensyon kan gobierno kaysa sa isyu o planong pag-aresto sa mambabatas.
Segun ki Atty. Israelito Torreon, legal counsel kan senador, posibleng nagagamit ang isyu bilang parte ng ‘political circus’ nganing malihis an atensyon kan publiko gikan sa tunay na mga problema kan nacion.
Naglalaom ini na dae malingawan an kontrobersyal na maanomalyang flood coontrol projects, problema sa ilegal na droga asin iba pa.
Ini suboot an dapat pinag-oolayan o tawan importansya na maresolba kan gobierno asin bako suboot an Impeachment Trial kan bise presidente asin pag-aresto sa senador.
Si Senador Bato Dela Rosa an dae man giraray naaarestar asin padagos na pinaghahanap kan mga otoridad puon kan maisyuhan nin ‘arrest warrant’ gikan International Criminal Court.
Saro siya sa mga pinangaranang ‘co-perpetrator’ ni dating Presidente Rodrigo Roa Duterte huli sa pagpapaotob nin madugong ‘war on drugs’ kan nakalihis na administrasyon.
Pareho nindang pigkakahampang an kasong ‘crimes against humanity’ sa nasabing International Tribunal, alagad solamenteng an dating presidente sana an nasa The Hague, Netherlands.
