Naninidugan si dating Department of Public Works and Highways (DPWH) Undersecretary Roberto Bernardo na wara siyang direktang pakikipag-olay ki dating House Speaker Martin Romualdez katakod sa isyu kan kickback sa mga public infrastructure project.
Ginibo ini ni Bernardo sa saiyang pagtestigo para sa bail petition kan presidential cousin sa Sandiganbayan Third Division.
Bako suboot kabale si Romualdez sa suboot mga proponent ng DPWH project na nagbalak o nagporbar makipaghilingan saiya nganing maghagad nin kickback o SOP (‘standard operating procedures’).
Wara man suboot siyang direktang ‘dealings’ ki Romualdez mapadapit sa cash delivery o kickback.
Sa katunyan, dae niya nabanggit si Romualdez sa saiyang mga ginibong judicial affidavit na ipinasakamot sa mga government prosecutor.
Magigiromdomang dating tumestigo si Bernado sa pagdangogn kan Senado kun sain pinangaranan niya nan pirang haralangkaw na opisyal kan nacion na suboot nakinabang sa kickback scheme sa mga government contract mapadapit sa public infrastructure projects, kadaklan digdi an mga flood control.
Kabale sa mga nabanggit niya sa saiyang affidavit kaito sinda dating Sen. Bong Revilla, Sen. Jinggoy Estrada, dating DPWH Sec. Manuel Bonoan, dating Usec. Cathy Cabral, asin kadakol pang iba.
Nahahampang man an presidential cousin sa plunder case huli sa mga alegasyong nagkamal siya nin bilyon-bilyong pisong kickbacks asin mga suhol hale sa kontratang nilaog kan gobierno sa pagpapagibo kan mga government infrastructure project.
