LEGAZPI CITY- Padagos an pag-agrangay kan nagkapirang mga local hograisers huli suboot pagkalugi na saindang naeeksperyensyahan.
Segun ki Arjay Apolinario, Chairman kan Confideration of Sorsogon Hog and Livestock Association sa intrevista kan Bombo Radyo Legazpi na sa parte kan Sorsogon nasa P100 hasta P120 sana an barakalan nin buhay na urig.
Huli digdi padagos suboot na nadedehado an mga local hog raisers asin hog farmers.
Katakod kaini, padagos na ipigpapangapudan kan grupo na ipundo na an pork importation huli ta ini an pangenot na rason kan pagkakaigwa nin krisis sa presyuhan sa lokalidad.
Nangapudan man si Apolinario na langkawan an taripa sa imported na karne ngani na makabawi maski papano an mga local hog raisers.
Paliwanag kaini na dakol an mga wara na nin puhunan para sa masunod na produksyon huli sa kawaran nin bastanteng ganansya.
