LEGAZPI CITY- Nago-ofresir na nin libreng wifi sa Daraga Public Market na pwedesir na ma-access kan publiko.
Segun ki Daraga market administrator Themis Lobete sa intrevista kan Bombo Radyo Legazpi na igwang apat na access points sa libreng wifi sa banwaan.
Napag-araman na warang limitasyon sa access kan nasabing libreng wifi kaya malaya an mga namamanwaan na gumamit kaini.
An nasabing proyekto an parte kan inisyatiba kan Department of Information and Communications Technology (DICT) na makapaghatod nin libreng access sa publiko.
Katakod kaini, sinabi kan opisyal na dakula man an kaugmahan kan mga paratienda asin mga customers urog pang nagpapaotob na man nin cashless transactions an nasabing merkado.
Mientras tanto, nangapudan si Lobete sa publiko na maging responsable sa paggamit asin ingatan an mga pasilidad na itiao sainda ngani na maggamit nin panghaluyan.
