Dugang na 117 Overseas Filipino Workers (OFWs) an nakauli na sa Pilipinas hale sa Saudi Arabia sa tahaw kan sunod-sunod na pag-atake sa nacion.
Segun sa Department of Migrant Workers (DMW), nagduong an mga OFWs sa Ninoy Aquino International Airport (NAIA) Terminal 3 kan Domingo, Oktubre 25, sa irarom kan superbisyon kan DMW kasabay kan Overseas Workers Welfare Administration (OWWA).
Sinabi kan ahensya na parte ini kan “Saving Lives component” kan Unified Package for Livelihoods, Industry, Food, Transport (UPLIFT) initiative kan gobyerno katakod kan direktiba ni Presidente Ferdinand R. Marcos Jr.
Apwera kan repatriation, tinawan man nin medical asin financial assistance an mga nag-uli na Pilipino, kabale na an temporaryong istaran asin transportasyon pabalik sa saindang kanya-kanyang probinsya.
Sa kabilogan, 383 na OFWs, kabale na an saindang mga dependents, an napauli poon Oktubre 19 hasta Oktubre 25.
