LEGAZPI CITY-Nangapudan an mga Drayber sa gobierno na babaan an presyo kan produktong petrolyo, makalihis an mga paglangkaw kan presyo sa masunod na semana.
Segun ki PISTON President Mody Floranda, sa intrevista kan Bombo Radyo Legazpi na sa maabot na Martes, nasa P2.50 hasta P3.00 an dagdag sa presyo kan produktong petrolyo na dakulang pasakit para sa mga Drayber asin operator, siring man sa mga namamanwaan.
Katakod suboot kaini an dagos na paglangkaw man kan mga babarakalon mantang dae nakalinya an sahod kan mga namamanwaan sa saindang pangangipohan para sa pamilya sa urualdaw.
Sinabi pa kan opisyal na makahadit ini huli ta dae pa natatapos an US agression.
Padagos man sinda sa paghahanda asin pagsasagibo nin protesta, bako sana manungod sa pagbaba kan presyo kan produktong petrolyo, kun sa paglaban sa world bank asin sa padagos na agresyon.
