LEGAZPI CITY- Tinuyaw kan sarong communication professor asin election watchdog an suboot garing intimidation kan pamilya Duterte sa media.
Ini an kasunod kan pagsunad nin kasong libel ni Davao City 1st District Representative Paolo “Pulong” Duterte sa Office of the City Prosecutor sa Davao City kontra sa nagkapirang mga mamamahayag asin media executives.
Segun ki Daya Convenor Danilo Arao sa intrevista kan Bombo Radyo Legazpi, kun hihilingon an lakdang an garing parte na suboot ini kan sistematikong pag-atake kan mga Duterte sa media siring kan sinda an nasa poder pa.
Paliwanag kaini na an sarong media giant na kinasuhan ni Representative Pulong Duterte an binalo man na kuwaon an saindang lado bilang parte kan pamamahayag.
Ipinunto man kan opisytal an ‘keyboard warriors’ na suboot urualdaw na nag-aatake sa mga nasa media.
Huli digdi, liwat na binuhay ni Arao an mga pangapudan na i-decriminalize an libel asin kun igwang pagkakasala an magbayad na sana nin damages.
Mientras tanto, sa hudyan ipigduon kan opisyal na garing wara man nin pakiaram an mga Duterte kun maibabasura an kaso huli ta mawot sana kaini na magdara nin takot kaya nangapudan na dae umabot an punto na dagos na sanang magsilensyo an media.
