Piglinaw kan Korte Suprema na wara nang pondo ang ibabalik hale sa mga programa na ipinaotob sa irarom kan 2024 asin 2025 General Appropriations Acts.
Segun sa Tagapagtaram kan Korte Suprema na si Atty. Camille Sue Mae Ting, wara nin rekisitos na mabawi an mga pondong ini, basta naghiro sa marhay na boot an mga benepisyaryo.
Ini susog sa “doctrine of operative fact,” na an boot sabihon an “mga programa na dai na mababawi” na ginigibo “in good faith” magdadanay na ibinibilang na “balido.”
Huli kaini, an poco mas o menos 500 bilyones pesos—na nagrerepresentar kan paglangkaw kan alokasyon nin pondo para sa 2024 asin 2025—dai na kaipuhan na ibalik.
Magigirumdoman na an Korte Suprema nagdeklara nin nagkapirang aksyon o probisyon kan Kongreso sa laog kan 2024, 2025, asin 2026 General Appropriations Acts na “bakong konstitusyonal.”
An desisyon na ini hale sa pagdiskubre na an Kongreso nagkomiter nin “grave abuse of discretion” sa paagi nin pagdagdag kan mga alokasyon para sa “unprogrammed appropriations” sa laog kan nasyonal na badyet.
