LEGAZPI CITY-Planong idagos kan Department of Transportation (DOTr) an pagsasapribado sa operasyon kan Metro Rail Transit Line 3 (MRT-3) sa paagi kan sarong concession agreement.
Segun kay DOTr Secretary Giovanni Lopez, piglalaomang popoonan an bidding para sa P103.6-bilyong concession kan MRT-3 sa tahaw kan taong 2027.
Obheto kan kagawaran na mapakarhay an serbisyo kan linya kan tren, madagdagan an numero kan mga tren na magagamit sa operasyon, asin mabawasan an haloy na paghahalat kan mga pasahero sa kada istasyon.
Pinal na suboot an desisyon kan gobierno, sa hiwalay na concession agreement kan MRT-3, imbes na ibale ini sa operasyon kan iba pang linya kan tren sa nacion.
Pigkakarkulong nasa 388,000 na pasahero an naglulunad sa MRT-3 kada aldaw.
Pigbibilog ini kan 13 istasyon na mahihiling sa kahalabaan kan EDSA.
