LEGAZPI CITY-Idineklarar nang ASF-free an provincia kan Albay kasunod kan mga negatibong test results sa munisipalidad kan Camalig.
Alagad mahigot man liwat an monitoring kan Albay Provincial Veterinary Office sa mga naglalaog asin nagluluwas na transport nin mga livestock kan urig sa provincia.
Segun ki Albay Veterinary Officer Dr. Pancho Mella, sa intrevista kan Bombo Radyo Legazpi na pigbabalik na an status poon sa red-infected zone pasiring sa pink-buffer zone kun sain ibig sabihon wara ng aktibong African Swine Fever case sa Camalig asin sa bilog na provincia kan albay.
Pigkokonsidera man nindang isolated case an nagpositibo sa nasabing banwaan.
Kun sain sa isinagibo nindang surveilance kun sain nagkolektar nin nasa 49 samples, gabos ini nag negatibo sa kaso.
Sa ibong kan pagigin ASF-free, padagos man liwat an saindang border control sa mga boundaries kan provincia asin dai man liwat ini hahalion para sa monitoring kan mga pigta-transport na hayop sa provincia kan Albay.
