LEGAZPI CITY-Ipighayag ni Ako Bicol Partylist Rep. Alfredo Garbin an importansya an pagtugdok nin bagong klasrums, sa pagtatao nin dekalidad na edukasyon.
Susog kay Garbin na importante na mairani an edukasyon sa paagi kan mga eskwelahan ngani dai na magastusan pa sa uruadlaw na pangangaipo.
Afuera sa bagong community college sa Camalig, magkakaigwa man suboot nin iba pang programa siring kan dagdag na mga elementary schools bilang suporta sa programa kan edukasyon.
Tinawan doon man kan opisyal na an edukasyon an sarong armas ngani makabangon sa pagigin pobre.
Sa paagi kan lakdang na ini, magkakaigwa suboot nin estudyante an kada pamilya asin an pagmukna kan sarong universal access sa dekalidad na edukasyon bako sana sa Albay kundi magin sa bilog na nacion.
