Magpapalakop an United Kingdom nin mga fighter jets ngani na surugan an Saudi Arabia kontra sa mga pagsakyada kan Houthi rebels.
Segun sa UK Defense ministry, magkakaigwa nin defensive counter air-missions an Royal Air Force Typhoon fighter jets.
Kaya kan nasabing jets na maharang an missiles asin drones kontra sa Saudi Arabia.
Sa mga nakalihis na bulan kaya, mas pinakusog pa kan Houthis an saindang pagsakyada sa Saudi Arabia sa gamit an ballistic missiles asin drones.
Tinarget kan Iran-backed na Houthis an mga pangenot na imprastraktura kaibanan an oil facilities asin mga erpuerto.
Nagtao na an UK nin air-to-air refueling support sa Saudi Arabia asin nagpalakop na man nin air defense equipment asin British personnel ngani na tabangan na maprotehtahan an kahadian kan Saudi Arabia.
