LEGAZPI CITY-Nagadan sa enkwentro kan mga otoridad angsub-leader kan Dawlah Islamiya asin tulo pa kaining pag-iriba sa Sultan Mastura, Maguindanao del Norte.
Naka-engkuwentro kan pinag-sanib na puwersa kan kapulisan asin mga soldados an grupo ni Yusa Ganoy o bisto bilang si “Minimi” , “Commander Usa” asin “Yousa Ganoy”.
Nakalista si Ganoy bilang Priority Sanction Target No. 11 asin pang-apat sa most wanterd person sa provincial level sa Maguindanao del Sur.
Siya an sub-leader kan Dawlah Islamiya Hassan Group sa irarom Alpha King Faction kun saen pigkokonsidera kan mga otoridad na nasa likod kan pag-bomba, paggadan asin mga pagsulo sa Maguindanao del Sur asin karatig na Sultan Kudarat.
