Uminabot na sa ₱6.56 bilyon an danyos sa sektor nin agrikultura sa Pilipinas ngonian na taon huli sa epekto kan El Niño, segun sa Office of Civil Defense o OCD.
Segun ki OCD Disaster Preparedness Service Director Vicente Gregorio Tomas, nagkaigwa nin dry spell asin tagmara sa nagkapirang lugar kan nakalihis na duwang bulan, na nagresulta sa kakulangan nin tubig para sa patubig asin pagprodusir nin pananom.
Pigdeklara man an state of calamity sa 109 na lugar huli sa epekto kan El Niño na kadaklan konektado sa danyos sa agrikultura.
Susog sa OCD, uminabot sa ₱10 bilyon an ayudang itinao kan gobyerno para sa mga paraoma.
Pigsierto man kan ahensya na igwa pa nin bastanteng supply nin tubig sa nacion, asin preparado an Water Security Task Force na magresponde enkaso magkaigwa nin kakulangan.
