LEGAZPI CITY-Pinagolayan ni Cabinet Secretary Benjamin “Benhur” Abalos Jr. asin delegasyon hale sa Poland an pagpapahewas kan kooperasyon kan duwang nacion.
Ini para sa sektor kan agrikultura, kalakaran, asin pagpapauswag kan kasanayan kan mga obrero.
Pinangenotan ni Poland Minister of Agriculture and Rural Development Stefan Krajewski an delegasyon na nakipag-olay sa mga opsiyal kan Department of Agriculture, Department of Migrant Workers, asin Technical Education and Skills Development Authority (TESDA).
Pinag-olayan digdi an mga bagong oportunidad para sa bilateral na koneksyon.
Kaiba man sa mga napag-olayan an pagpapakusog kan kalakaran kan produktong agrikultura siring kan orig, manok, mansanas, bagas, asin iba pang produktong pagkaon, pati na an pagpapahewas kan training asin certification para sa mga manggagawang Pilipino.
