LEGAZPI CITY—Balik-kulungan an mag-live-in partner makalihis an kinundusir na anti-illegal drug operation sa Barangay Palnab, Virac, Catanduanes.
Binisto an mga suspek na sinda alyas “Kim” asin “Miguel,” na pareho nang may mga enot na kaso na may kinaaraman sa ilegal na droga.
Narekober asin nakumpiskar digdi an duwang pidaso nin heat-sealed transparent plastic sachet na may laog nin pigtutubudang shabu. Igwa ining pigakarkulong gabat na 8.27 gramo asin nagkakantidad nin labi P50,000. kaiba an iba pang non-drug items.
Ikinasar an operasyon kan Virac Municipal Police Station (MPS), Catanduanes Provincial Intelligence Unit (PIU), Regional Police Drug Enforcement Unit 5 (RPDEU 5), asin Philippine Drug Enforcement Agency Region 5, sa bisa kan Search Warrant No. 2026-31-EJ.
Presenteng nasa kustodiya kan Virac MPS ang mga suspek asin mahahampang sa kasong pagbalgar sa Republic Act No. 9165 o ang Comprehensive Dangerous Drugs Act of 2002.
