Buminaba nin sarong pwesto an Filipino tennis star na si Alex Eala pasiring sa No. 19 sa pinakabagong Women’s Tennis Association (WTA) official rankings na ipinaluwas ngunyan na Lunes.
Hali sa saiyang career-high ranking na No. 18 kan nakalihis na Agosto, igwa na ngunyan na 2,241 puntos an 21-anyos na pambato kan Pilipinas.
An bahagyang pagbaba ni Eala sa ranking an kasunod kan pag-angat kan Belgian tennis player na si Elise Mertens hali sa No. 19 pasiring sa No. 14 makalihis makatipon nin 2,540 puntos.
Sa ibong kaini, si Eala man liwat an igwang pinakahalangkaw na naabot na ranggo sa historya kan South-East Asia sa WTA Tour, makalihis lagpasan an dating datos ninda Yayuk Basuki kan Indonesia asin Tamarine Tanasugarn kan Thailand na parehong nagtapos sa No. 19.
Mientras tanto, nakatalaan man na puunan ni Eala an kampanya sa 1000 Wuhan Open ngunyan na Lunes nin banggi kontra sa Chinese qualifier na si Han Shi, mantang makakapareha man niya an Turkish player na si Zeynep Sönmez sa doubles event kontra sa tambalan kan Ukraine.
