LEGAZPI CITY-Nairehistro an magnitude 6.4 na linog an sa baybayon kan Balut Island sa munisipyo kan Sarangani, Davao Occidental, ngonian na aldaw nin Huwebes, Oktubre 8, 2026, poco mas o menos alas 4:07 nin hapon.
Segun sa datus, may rarom na 10 kilometros an linog; an pagyugo namatean sa parte kan Sarangani, South Cotabato, Sultan Kudarat, Davao del Sur, Davao Occidental, Cotabato, Davao City, asin Bukidnon.
An pinakahalangkaw na nairehistrong instrumental na intensidad, iyo an Intensity IV sa Alabel asin Malapatan (Sarangani); T’Boli asin Lake Sebu (South Cotabato); General Santos City; asin Palimbang (Sultan Kudarat).
Mientrastanto, nairehistro an Intensity III sa nagkapirang lugar kan Cotabato, Davao del Sur, Davao Occidental, Sarangani, South Cotabato, asin Sultan Kudarat, mantang mas hababang lebel nin pagyugo an nairehistro sa iba pang mga haraning lugar.
An linog na ini sarong aftershock kan magnitude 7.8 na linog sa kadagatan na nagtama sa lugar kan Sarangani asin Davao Occidental kan Hunyo 2026.
