LEGAZPI CITY-Sinabi ni Senate impeachment court presiding officer Francis Escudero sa ika-34 na aldaw kan impeachment trial ni Bise Presidente Sara Duterte na an total na net worth kaini asin saiyang agom na si Manases Carpio, an dai nagtutugma.
Susog ini sa nakasurat sa saindang joint Statement of Assets, Liabilities, and Net Worth (SALN) poon 2007 sagkod 2020 kun sain dai nagtutugma sa kantidad kan saindang bank transactions.
Ginibo ni Escudero an obserbasyon basado sa testimonya ni Anti-Money Laundering Council Executive Director Ronel Buenaventura.
Sinabi ni Escudero na P424 milyones an naglaog asin nagluwas sa mga bank account ni Bise Presidente Duterte asin kan saiyang agom poon 2022 sagkod 2025.
Dagdag pa niya na dai man dapat pig-add an gabos na ini huli ta magkakaiba an mgataon, alagad sa kabilugan nag-abot ini sa P336 milyones de pesos.
Sinabi pa niya na ibig sabihon suboot, sa assumption na warang ginastos poon sa gabos na assets asin na-deposito sa bangko, dai man giraray maaabot sa siring kaining kadakula na kantidad.
