LEGAZPI CITY-Nagsasagibo na nin interventions asin preparatory measures an Barangay Buyoan sa ciudad kan Legazpi bilang pag-andam asin ngani labanan an peligro na dara kan El Niño sa salud, agrikultura, asin suplay nin tubig.
Segun ki Kap Ronaldo Miña, sa intrevista kan Bombo Radyo Legazpi na igwa na sindang pinag-gigibong duwang dam asin mga solar pumps na itatakod ngani masuplayan nin tubig an mga apektado kan pinaglalaomang El Niño.
Para naman sa pang-konsumo kan mga namamanwaan, pigsierto man ninda na bastante an suplay kan Legazpi City Water District asin nagsasagibo na nin lakdang ngani masalidahan an mga raot na pump sa ibang parte kan saindang barangay.
Pigsierto man suboot ninda an iba pang preparasyon asin magsasagibo nin miting para sa gabos na mga paraooma ngani magkaigwa nin lakdang para sa nagdadangadang an tagmara.
Sa presente, sinabi kan opisyal na posibleng maapektaran kaini an nasa labi 100 na paraooma sa saindang lugar asin sa ngonian bastante pa an nsa 5% kan saindang calamity fund ngani masusteniran an nasabing phenomena.
