LEGAZPI CITY- Nagpapadagos an lakdang kan gobierno provincial kan Albay ngani na dagos na mapababa an kaso kan dengue cases sa provincia.
Segun ki Albay Provincial Information Office head Marte Gonzales sa intrevista kan Bombo Radyo Legazpi na basado sa pinakahuring datos, puon Enero hasta Oktubre 4 sa presenteng taon, nagsakat na sa 21 an mga binawian nin buhay sa provincia huli sa dengue.
Nagdugang suboot sa datos an mga bagong binawian nin buhay sa mga banwaan kan Manito, Daraga, asin Oas.
Sa ibong kaini, pigkokunsiderar man na epektibo an mga pigigibong cleaning drive asin mga lakdang kan mga lokal na gobierno huli ta nagbababa na an daily cases na nairerehistro sa provincia.
Katakod kaini, padagos an pangapudan kan opisyal na dae magpundo sa pagpuksa kan mga pigteteniran kan lamok ngani na maibitaran an pagdakol kaini
