Nagsanib-puwersa sinda KZ Tandingan asin Gloc-9 para sa saindang pinakabagong kantang “Luha ng Buwaya,” na nagtutukar sa labing pagbaha at korapsyon sa bansa. Ini an pinaluwas ngunyan na Biyernes, Oktubre 2.
Durante kan launch event kan kanta, pigtuga ni Tandingan na igwa siyang kahaditan mapadapit sa pagluwas kaini alagad naglalaom man liwat siya na magimata an mga nakadangog kaini.
Bisto si KZ sa saiyang versatile na boses. Kabale sa saiyang mga kanta ang “Mahal Ko o Mahal Ako,” “Two Less Lonely People in the World,” asin an collaboration song ninda kan saiyang agom na TJ Monterde, an “Palagi.”
Mantang si Gloc-9 an bistado sa saiyang mga rap asin mga liriko na tumatak sa komunidad ngunyan, siring kan “Upuan” asin “Sirena.”
Bako ini an enot na pagkakataon na si Tandingan asin si Gloc-9 nag-collab para sa sarong kanta.
Kan 2016, nagkasararo an duwang OPM artists asin pinaluwas an kanta nindang “Industriya.”
