Kinumpirma kan mga opisyal kan Tennessee na nagpalyar sindang maisagibo an pagpapaotob nin death sentence ki Christa Gail Pike kan Miyerkules, Setyembre 30, katakod kan paggadan na saiyang ginibo kan 1995, makalihis syang tawan nin duwang doses nin lethal drug.
Segun sa saiyang mga abogado nahiling nindang nagtinir na mata si Pike asin makusog pang naghihilik makalihis an enot na pagporbar sa pagpapaotob nin death sentence. Kalaunan, isinugod siya sa ambulansya hale sa kulungan.
Nakatalaang ipaotob ki Pike ang hatol na kagadanan alas-10 nin aga kan Miyerkules, katakod kan krimeng saiyang ginibo kan siya 18-anyos pa sana. Kun maisagibo an execution, siya sana an enot na babaeng papatawan nin bitay sa Tennessee sa laog kan labi 200 taon.
Sarong oras antes an nakatalaang pagpapaotob, paramientras na ipinapundo an execution. Makalihis an pirang oras, ibinasura man kan U.S. Supreme Court ang nasabng orden.
Segun sa mga abogado ni Pike, duwang doses kan pentobarbital ang itinao saiya.
Mientrastanto, sinabi ni Robin M. Maher, executive director kan Death Penalty Information Center, na ang naeksperyensyahan ni Pike an bako pangkaraniwan asin warang kapareho.
Alas-7:27 nin banggi kan isagibo an pagporbar na ipaotob an hatol nin kagadanan ki Pike sa laog kan execution chamber.
Makalihis ini, nagtinir na mata si Pike.
Alas-8:26 nin banggi kan itao ki Pike an ikaduwang dose kan pentobarbital.
Tulos man nagsunad an saiyang mga abogado nin emergency motion sa U.S. Supreme Court na naghahagad na tulos na ipundo asin ipaoctaba an pagpapaotob nin death sentence.
Nagsunad man sinda nin mosyon sa Sixth Circuit Court asin sa district court.
