LEGAZPI CITY-Ipighayag kan sarong Kapitan na posibleng positibo an pagpapalaig kan termino sa limang taon para sa mga Barangay officials asin Sangguniang Kabataan na nagtatrabaho asin igwang nakalatag na 5 years development plan.
Segun kay Kap. Ronaldo Miña kan Brgy. Buyoan, Legazpi City sa intrevista kan Bombo Radyo Legazpi na nasasabutan niya an opinyon kan iba kun nata mawot nindang madagos an eleksyon orog na sa mga nahihiling na bako satisfied sa serbiyo kan saindang mga barangay officials, na saro sa nagde-deprive kan saindang direchos na pilion an panibago kuta ng lideres.
Alagad, sinabi kan opisyal na pabor man ini para sa mga barangay na satisfied sa sebisyo asin programa na nagagampanan an saindang mga responsibilidad bilang mga barangay officials.
Pighahagadan suboot nin 5-years development plan an mga barangay kada termino, kaya bako suboot talaga bastante an tulong taon sana, ngani ipadagos o matapos ini.
Matatawanan suboot an mga opisyal nin pagkakataon na maipadagos an mga programa asin proyekto para sa pagpapauswag kan saindang barangay.
Saro suboot ini sa mga posibleng positibong epekto, ngani dai maantala an mga proyekto, orog na kun para sa kabuhayagm livelihood, salud, asin iba pa.
Paliwanang ni Miña, sa laog nin 15 taon kun an gastos nasa P30 asin magkakaigwa sana nin duwang beses na eleksyon, posibleng makatipid an gobierno nin nasa P60-Bilyon.
Huli digdi, posible suboot na makatipid an national government sa pagpondo sa nasabing eleksyon.
