LEGAZPI CITY-Nagpaluwas nin show-cause order an Department of Public Works and Highways (DPWH) kontra sa sarong kontratista na suboot nagpapadagos kan construction sa sarong site sa Taguig City na sakop kan cease-and-desist order.
Sinabi ni DPWH Secretary Vince Dizon na, basado sa huring inspeksyon kan ahensya, wara na nin mga trabahador na nagpapadagos kan construction sa lugar.
Tinawan doon ni Dizon na dapat magsunod an gabos na contratista sa direktiba kan DPWH, kabale na an cease-and-desist orders.
An aksyon na ini kasunod kan mga report hale ki Senador Panfilo Lacson manungod sa suboot pagpapadagos kan construction sa lugar.
