LEGAZPI CITY-Nagrapado sa panibagong rekord na 107,677 an numero kan mga indibidwal na may edad 100 pataas sa Japan ngonian taon, susog sa Ministry of Health, Labour and Welfare.
Ini an ika-56 na magkasunod na taon nin paglangkaw kan bilang kan mga centenarians sa nacion, na an mga babae haros 88 porsyento sa sainda.
Ipinag-oorgulyo kan gobierno an halawig na buhay kan mga namamanwaan kaini, na huli sa mga pag-uswag sa medisina, masustansiyang pagkakan, asin aktibong estilo nin pamumuhay.
Alagad, an krisis demograpiko kan Japan padagos na naglalala huli sa marikas na paggurang kan populasyon kaiba an birth rate na buminagsak sa pinakahababang lebel.
