LEGAZPI CITY-Labing 60,000 na mga electric vehicles (EVs) an naipabakal sa nacions ngonian na taon, susog sa Department of Energy (DOE) kan Martes.
Sa 270,124 na total na benta nin mga lunadan para sa 2026, 24.68% o 66,685 an mga electric vehicles, segun kay DOE Energy Utilization Management Bureau Director Patrick Aquino.
Sinabi niya na kadaklan sa mga electric vehicles na ipinapabakal sa merkado mga plug-in hybrid na lunadan na, na nag-account nin haros 30%; sinusundan kan mga hybrid na electric vehicles or HEVs para sa saro pang 20%; asin an balanse iyo na an mga battery electric vehicles sa nacion.
Sinabi kan DOE na naka-log man ini nin 60,906 na registration kan EV kan 2025, na labi sa dobleng paglangkaw gikan sa lebel kan taong 2024.
Dugang pa kaini na an departamento padagos man na nagrereport nin paglangkaw kan numero kan mga rehistradong charging points sa 1,876 sa bilog na nacion. Sa mga ini, nasa 878 an mga AC charging point, 470 an DC charging point, asin 528 an battery swapping stations.
Saro pa, sinabi pa kan opisyal na dai mahahaloy mapaluwas ini nin joint memorandum circular kaiba an Department of the Public Works and Highways, Department of the Interior and Local Government, asin an Anti-Red Tape Authority para sa streamlined permitting para sa pagbugtak asin operasyon kan mga EV charging stations.
Ipigbuyagyag man ni Aquino na mapaluwas man nin department circular an ahensya manungod sa pagbisto kan mga partikular na pribado asin pampublikong establisimiento para sa ipinagboboot na pagbugtak kan EV charging stations.
