LEGAZPI CITY-Nilinaw kan Department of Justice (DOJ) na an pagpaluwas nin subpoena, bakong automatic na ‘guilty’ an sarong respondent sa reklamo.
Segun ki DOJ Undersecretary Ian Norman Dato, an ipinaluwas na subpoena parte kan preliminary investigation stage na ginibo kan panel of prosecutors na nag-aasikaso kan reklamo.
Ipinaliwanag kaini na an stage na ini nagtatao nin oportunidad sa mga respondents na masimbag an mga alegasyon kontra sa sainda bago pa man magsangat nin pormal na kaso.
Marurumduman na pigmanduhan kan DOJ si Sen. Robin Padilla, Lt. Col. Jean Robles, asin iba pa na mag-atubang sa panel kan mga piskal asin magsumiter kan saindang mga counter-affidavit, kaiba an mga suportang ebidensya.
Nahahampang an mga ini sa reklamo nin obstruction of justice katakod kan pagdulag ni Sen. Bato Dela Rosa sa implementasyon kan International Criminal Court arrest warrant.
An panel nakatalaan nin mga pagdangog sa Setyembre 25 asin Oktubre 9 sa oras na alas 2:00 nin hapon sa Department of Justice.
Kun an mga respondents, dai makaatindir sa nakatalaan na mga paglilitis, ini ikokonsider ini na sarong pag-iwas kan saindang derichos magpresentar nin depensa.
Inasegurar kan departamento na maresolberan nin imparsial an reklamo, warang bias o pinapaburan asin anuman an paninindugan kan mga partido.
