LEGAZPI CITY—Pigheras kan sarong parent-teacher group an mga bagay na pwedesir gibohon kan mga magurang nganing mas mapauswag pa an learning outcomes kan saindang mga aki pag-abot sa eskwelahan.
Segun ki National Parent Teacher Association President Lito Senieto, sa intrevista kan Bombo Radyo Legazpi, enot na digdi an pagbawas sa paggamit nin gadgets sa mga kajovenesan huli sa negatibong epekto kaini sainda asin kun gagamiton man an dapat may giya ini kan saindang mga magurang o kaparientes.
Siring man na dae ipag-spoil kan mga magurang an saindang mga aki.
Dugang niya na kaipuhan man na pagreparuhon kan mga magurang an mga aktibidades kan saindang mga aki sa eskwelahan magin an pagigin attentive sa mga pig-anunsyar kan mga paratukdo sa saindang mga group chats.
Liwat na tinawan-doon ni Senieto na dapat may papel an mga magurang pag-abot sa learning process kan saindang mga aki.
