LEGAZPI CITY-Nagpasimbagan sina Department of Labor and Employment (DOLE) Sec. Francis N. Tolentino asin Kamanggagawa Partylist Rep. Elijah San Fernando huli sa suspendidong wage hike kan Pasig Regional Trial Court na nakatalaan kuta na iimplementar kan Hulyo.
Nanindugan si Rep. San Fernando na an DOLE an may autoridad na ipaotob an nasambitang wage hike kan NCR alagad si Sec. Tolentino nagrason na nasa poder kan korte an awtoridad, kun sain nagsangat nin petisyon an kampo ni San Fernando na i-nullify an injunction na ipinaluwas kan Pasig RTC.
Nagresulta ini sa pangengenot ni San Fernando na i-mosyon na ipagpaliban an propwestong 2027 budget kan DOLE na pigsegundahan naman ni Akbayan Partylist Rep. Perci Cedaña.
Kinontra man ni Cagayan de Oro Rep. Rufus Rodriguez, mantang nag-apod man si Appropriations Vice Chair Rep. Romel Rico Angara nin botohan sa mosyon kun sain igwang pitong boto an pabor ki San Fernando asin 31 an nagkontra digdi.
