LEGAZPI CITY—Arestado an sarong lalaking sa kasong panghahabon (theft) makalihis an apat na taong pagtatago sa ginibong Manhunt Charlie operation sa Barangay Bigaa, Legazpi City.
Binisto an akusado na si alyas “Soy”, 45-anyos, warang agom asin residente kan nasabing lugar.
Naarestar ini sa bisa kan Warrant of Arrest na iniluwas kan hukuman sa Tanauan City kan Hulyo 20, 2022.
Nagtalaga an kortenin piyansang P20,000 para sa saiyang paramientras na paglaya.
Ginibo an operasyon kan personahes kan Regional Maritime Unit 5 (RMU5) Regional Special Operating Team (lead unit) asin Daraga Municipal Police Station.
Mientrastanto, tulos ining dinara sa opisina kan Headquarters Regional Maritime Unit 5 para sa mga kaukulang dokumento asin nakatalaang i-turnover sa korteng nagluwas kan nasabing kasuguan.
