Inapod ni Batangas 1st District Representative Leandro Leviste na “National Bureau of Imbento” an National Bureau of Investigation o NBI makalihis i-anunsyar kan ahensya an pagsusunad nin reklamong qualified human trafficking kontra saiya asin iba pang personalidad.
Sa saiyang Facebook post kan Biyernes, Setyembre 4, kinuwestiyon ni Leviste an naging imbestigasyon kan NBI asin sinabing pigagamit suboot kan ahensya an buwis kan pugbliko sa pag-iimbento nin kalokohan.
An pahayag ni Leviste an kasunod kan anunsyo ni NBI Director Melvin Matibag na magsusunad an ahensya nin reklamo sa Department of Justice katakod kan suboot “honey trap” operation kontra ki Executive Secretary Ralph Recto.
Afuera ki Leviste, kaibanan man sa mga respondent si dating Negros Oriental 1st District congressman Jacinto “Jing” Paras asin limang iba pa.
Pinahimutikan man ni Leviste an pagkaka imbwelto niya sa nasabing isyu.
Enot nang sinabi kan NBI na nakumpleto na ninda an imbestigasyon asin natipon na suboot an mga ebidensyang gagamiton sa reklamo asin isusumiter ini sa DOJ para sa preliminary investigation.
