LEGAZPI CITY—Arestado an sarong 19-anyos na lalaki sa ginibong buy-bust operation sa Barangay Francia, Virac, Catanduanes.
Binisto an suspek na si alyas “Dong” kun sain nakumpiskar saiya an mga plastic sachet na may laog nin pigtutubudang shabu asin marijuana.
Ginibo an operasyon kan Virac Municipal Police Station, Catanduanes Provincial Intelligence Unit, Regional Police Drug Enforcement Unit 5, asin Philippine Drug Enforcement Agency.
Mahahampang ini sa kasong pagbalgar sa Republic Act No. 9165 o Comprehensive Dangerous Drugs Act of 2002.
Mientrastanto, isusumiter sa laboratory examination an mga nakumpiskar na pigtutubudang droga para sa kaukulang pagsusuri asin dokumentasyon bilang parte kan padagos na imbestigasyon.
