LEGAZPI CITY-Naarestar an No. 1 Provincial Most Wanted Person kan Albay kan Tracker Team kan Bacacay Municipal Police Station sa isinagibo nindang operasyon.
An operasyon pinangenotan kan Bacacay MPS Tracker Team, kaiba an mga personahes kan Albay 2nd Provincial Mobile Force Company asin kan Provincial Intelligence Unit kan Albay PPO.
Nadakop ini sa paagi kan sarong mandamiento de aresto na igwang koneksyon sa sampulong kaso nin Qualified Rape, na warang rekomendadong piyansa.
Kasunod kan pag-arestar, an akusado ipinaaram an dahelan kan saiyang pag-arestar asin ipinaaram an saiyang mga derichos konstitusyonal sa irarom kan Miranda Doctrine.
Kasunod kaini, dinara an akusado sa Rural Health Unit kan Bacacay para sa medical examination asin presenteng nasa kustodiya na kan Bacacay MPS para sa magkakanigong dokumentasyon asin disposisyon.
