Ipinaliwanag ni Interior Secretary Jonvic Remulla an saiyang enot na pahayag dapir sa pag-search sa mga harong kan mga gun-owners sa nacion.
Segun sa opisyal na dae na kaipuhan nin anuman na search warrants ngani na gibuhon ini.
Dagdag pa niya na an mga gun-owners an igwang pipirmahan na waivers na sinda an nagtutugot na bisitahon kan kapulisan an lugar kun sain nakalaag an badil.
Obheto kaini na masierto na salbado an lugar na pinagtataguan ninda nin armas asin dae basta maaabot kan mga menor de edad.
Marurumduman na sa nagkapirang insidente nin pambabadil sa mga eskwelahan an madaling naipuslit kan mga menor de edad an mga badil kan saindang magurang o kaparientes kaya naisagibo an krimen.
