LEGAZPI CITY-Sarong Pinoy an nairehistrong nawawara makalihis an pagbabaha sa Nepal.
Segun sa Nepal Tourism Board, kabali an Pinoy sa 644 katawo na naibaretang nawawara huli sa flash floods sa lugar.
Dae man suboot nag-pupundo an mga awtoridad nganing lubos na hanapon an mga nawawarang indibidwal.
Magigirumdoman na nagkaigwa nin biglaang pagbabaha sa Bhote Koshi asin Trishuli River sa Rasuwa. Nuwakot, Dhading asin Gorkha sa Nepal, bandang mga alas 8:30 nin banggi kan Agosto 26.
Sa nasabing insidente, labi sa 300 na an kumpirmadong nagadan.
An ibang nacion nagpadara na kan saindang mga rescue team nganing marikas nindang mahanap an mga nareport na nawawara huli sa biglang pagbabaha.
