LEGAZPI CITY-Nasa 7,000 metric tons pa sana an Abaca production bago matapos an taong 2026 susog sa PHILFIDA Catanduanes.
Segun kay PHILFIDA Catanduanes Provincial Fiber Officer Bert Lusuegro, sa intrevista kan Bombo Radyo Legazpi na hababa an produksyon huli sa mga naraot kan bagyo kun kaya mahalat pa bago an recovery kaini.
Dai man suboot maabot an target na produksyon ngonian na taon, na nasa 7,000 metric tons sana, alagad posible suboot na madagdagan pa ini asin abuton nin 10,000 metric tons sa pagtatapos kan taong 2026.
Mantang panaka-naka an paguuran dara kan epekto kan Habagat asin igwang banta kan Super El Niño sa nacion, pinaglalaoman man na makakaapektar an pagkakaigwa nin mga diseases.
Sinabi ni Lusuegro na nakakaapektar an mga diseases sa produksyon huli ta sa sarong taon, humigit-kumulang 2 Milyon Kilos an nawawara na haros katumbas nin 2,000 metric tons nin Abaca.
Pangapudan kan opisyal sa mga Abaca Farmers, na kun malala an epekto kan init kan panahon asin mga diseases, magsagibo nin mitigation asin measures asin pangatamanan ini ngani dai maapektaran an produksyon.
