LEGAZPI CITY-Hinale kan Estados Unidos an Syria sa listahan kan mga estado na nag-i-sponsor nin terorismo pagkatapos nin 47 taon.
Segun ki US Secretary of State Marco Rubio, an lakdang na ini bilang pagmidbid sa pagrayo kan gobierno kan Syria sa anuman na klase nin terorismo.
Hinale man sa listahan kan Estados Unidos kan mga pankinaban na terorista na organisasyon na Hayat Tahrir al-Sham (HTS).
An nasabing organisasyon, na dating midbid bilang al-Nusra Front, sarong kaapil kan al-Qaeda sa Syria sagkod Sharaa na nakipag-ulay sa jihadist network kan 2016.
Minidbid man kan administrasyon ni Trump an mga lakdang na ginibo kan bagong presidente kan Syria, na si Ahmed al-Sharaa, nganing labanan an terorismo.
Nagtutubod man si US Treasury Secretary Scott Bessent na an lakdang na ini makakatabang sa pagpauswag kan ekonomiya kan Syria.
