Magbabalik sa aksyon para sa Gilas Pilipinas sinda Kai Sotto asin AJ Edu makalihis an nagkapirang bulan na pagpaparahay sa saindang mga injuries.
Marurumduman na ininda ni Kai Sotto an saiyang ACL injury kan nakalihis na taon, rason ngani na dae siya makapagkawat sa FIBA Asia Cup asin maging sa enot na tulong windows kan FIBA World Cup Asian Qualifiers
Pinaglalaoman na mas magiging makusog an pwersa kan Gilas sa Window 4 kan FIBA World Cup Asian Qualifiers na mangyayari sa Biyernes.
Makakaibanan man ni Sotto an saiyang frontcourt buddy na si AJ Edu.
Huring nagkaibanan an 7-foot-3 na si Sotto asin an 6-foot-10 big man na si Edu kan 2023 FIBA World Cup, kung sain nakapagrehistro an duwa nin pusog na chemistry sa court.
Nakatalaan na makalaban kan Gilas an Jordan sa Agosto 28, mantang an Iran man an makakahampang ninda sa Agosto 30.
