LEGAZPI CITY-Nagtetenir na hababa na an aktibidad kan Bulkang Mayon, poon kan ibaba sa alert level 2 an status kaini kan Agosto 5, sa presenteng taon.
Basado sa pinakahuring datos kan Phivolcs, poon alas 12 nin maagahon, nakapagehistro man liwat nin nagkapirang parametro an Bulkan.
Nasa 1,458 tonelada an nairekord na Sulfur Dioxide Flux(SO2) poon kan aldaw nin Agosto 22, kan Sabado.s
Mantang nagkaigwa man nin 21 volcanic earthquakes, asin sarong rockfall signal, alagad padagos an pagdaloy kan lava sa tulong gullies kaini.
Sa presente nasa 100 meters man an langkaw kan Plume o Steaming kan Bulkang Mayon poon sa crater na igwang katamtamang pagsingaw na napapadpad sa east-southeast, east-northeast asin northeast.
Sa ibong kaini, mahigot man liwat an patanid kan Phivolcs na ibitaran an paglaog sa 6km permanent danger zone.
