LEGAZPI CITY-Iginiit ni Department of Budget and Management (DBM ) Secretary Kim Robert de Leon na warang “leadership fund” sa irarom kan propwestong national budget sa masunod na taon.
Hinapot man ni Caloocan City 2nd District Rep. Edgar Erice sa kalihim sa pagpoon kan propwestong P7.2 trilyong pondo sa 2027 kun nabusisi an proyekto kan Department of Public Works and Highways (DPWH) asin kun “naukudan” na ini sa tahaw kan kontrobersiya sa flood control projects.
Naenot nang nagluwas sa judicial affidavit ni dating DPWH Secretary Manuel Bonoan na igwang pondong nakatagama suboot para sa mga senador na nagkakatindad nin P500 million para sa priority projects.
Alagad, segun kay de Leon, wara sindang aram katakod kan nasabing alokasyon huli ta pigbubusisi sana ninda an isinumiter na pondo kan ahensya.
Giit pa kaini na suportado kan kumpletong dokumentasyon an kada proyekto sa iraron kan DPWH na nasa National Expenditure Program (NEP) o propwestong pondo kan administrasyong Marcos para sa 2027.
