Dinipensaran kan Department of Foreign Affairs (DFA) an paramientras na kasunduan kan Pilipinas asin China sa Rotation and Resupply (RORE) missions sa BRP Sierra Madre, na nagsisilbing military outpost kan nacion sa Ayungin Shoal ngani na iduon an soberanya sa lugar.
Sa sarong pahayag, tinawan duon kan ahensya na aram kaini an pagkakaiba sa paninindugan kan Pilipinas asin China partikular sa pinal asin may bisa na 2016 Arbitral Award, na nagpapakusog sa sovereign rights asin hurisdiksyon kan Pilipinas sa kadagatan na nasa laog kan Exclusive Economic Zone kaibanan an Ayungin Shoal.
Tinukaw suboot an kasunduan na dae nakokompromiso an Arbitral Award.
Sakop man suboot kaini an mga prinsipyo asin mga lakdang ngani na pamayuhan an rotation asin resupply kan importanteng mga materyales sa warship kan nacion asin dae kaini nalilimitaran an pagpapa iral kan sovereign rights asin hurisdiksyon kan Pilipinas sa irarom kan international law.
