LEGAZPI CITY-Nagbalos an China sa ginibong pagpapataw nin sanctions kan Estados Unidos sa saindang mga produkto.
Inanunsyo ni Chinese Ministry of Commerce, na saindang papatawan nin sanctions an nagkapirang mga produkto kan Estados Unidos kaiba an biotech asin resource analytics firms.
Hihigotan man an sa export controls sa mga drones asin nagkapirang parte kaini magin an mga mga teknolohiya.
Maabot sa anom na mga kumpanya hale sa US an dinagdag kan China sa saindang countermeasures list bilang pagbalos sa ginibo kan Estados Unidos.
Enot nang pinagbawalan kan Estados Unidos na makalaog sa saindang nacion an 43 Chinese companies huli sa alegasyonng human rights abuse sa Uyghur asin nagkapirang minority groups.
An nasabing lakbang ipinaotob sarong bulan bago an nakatakdang pagbisita ni Chinese President Xi Jinping sa US sa masunod na bulan kun sain makakahampang niya si US President Donald Trump.
