LEGAZPI CITY-Ibinaba kan Philippine Institute of Volcanology and Seismology(PHIVOLCS) an alerto kan Bulkang Mayon poon sa Alert Level 3 pasiring sa Alert Level 2 huli sa pagbaba kan aktibidad kan bulkan.
Nairehistro an pagluya kan pagbuga kan lava, rockfall, asin pyroclastic density currents poon Hulyo 23, 2026.
Buminaba man an numero kan volcanic earthquake katakod kan aktibidad kan bulkan asin nagbalik na sa normal an seismic energy release kaini.
Nabawasan man an sulfur dioxide emission alagad nagtetenir na mas halangkaw ini kaysa sa karaniwang lebel.
Alagad, pigpapagirumduman an publiko na dai maglaog sa 6km Permanent Danger Zone.
Nagtetenir na mahigot an pagbabantay kan agensya sa Bulkang Mayon asin tulo na ipaaabot an anumang bagong kaganapan mapadapit aktibidad kan bulkan.
